Privatchat

De Elia het sini 2. Impfig gmacht und het sich würklich miserabel gfühlt. Wahrschinlich aber lang nid so miserabel wie Marc in Paris (RIP ah McChicken ah dere Steu). Dezue mache de Adi und Maelo grad ziemlich Welle in Dütschland. Was da ize ih de nächschti Wuche us üs zue chunnt, man weiss es nicht so genau..

3 Dudes, 2 Erfougrich, 1 Boomer: Die hütigi Mischig isch sehr exotisch, wenn ned sogar gotisch. Derbi isch dr Aditotoro, Traumschwiegersohn, wo aktuell dr dütsch Markt eroberet. Zuegschautet isch dr Maelo, wo die internationale Regenbogenglas-Deals abwicklet und ah sim Uswandertroum arbeitet. Und ner heimer no dr Elia. De isch wie immer - lost.

De Podcast isch back! Zäme mitem Elia hets de Maelo endlich gschafft wieder vor das huere Mikrofon z steppe. Es geit um de Eurovision Song Contest wo absolut niemer juckt & um Flugzüg, wo vom Himmel obenabe gholt werde. Wenn nume das würd abegholt werde...

Dr Elia het sich nach sinere Impfig komplett veränderet und plant mit sim allerbeschte Kolleg nach New York z'gah um d'Intimität vor USA z'gspüre! Usserdem rede di beide debile Männer über d Top 3 Kinderstreiche wosi gmacht hei. Hart ah de Grenze zum legale bewege sich di beide - zwüsche Rivella Gelb und Pommes Frites.

Dr Elia HÜT sini erschti Impfig und wetti gern si Impfpass im Happy Meal finde. Dezue muessme aber angäblich mindestens 200 Happy Meals im McDonald's verdrücke. Schaffters? Ich weiss es nicht. Dezue isch de Bill Gates nüm mit sinere Frau zeme. Ganz traurige Sache - F für den gefallenen Bruder.

Ganz ehrlich, z'Meer isch de leschte Dräck. Es het meistens zu viel Lüt und es het ZU VIEL SAND ÜBERALL! In jedere Körperöffnig isch Sand. Ok, d'Ussicht isch meistens nid schlecht. Dezue het de Maelo sini legendäri Wett ums impfe gwunne - dr Elia cha sich nämlich bald scho la impfe!

Es staht eh neue Weltkrieg ahn. Lut em Elia z'mindescht. Dezue beantwortemer extrem freizügigi Frage wo üs d'Community gstellt het! Im Fuessball zerstört d'Super League di ganz Existenz vo de Champions League - das macht üs würklich enorm trurig. Sadge.

Die Vernunft hat (nicht) gesiegt! Dr Bundesrat öffnet wieder gefühlt alles. Das het üs dezue bewoge z‘entscheide wär wo wir ih de Bundesrat würde wähle, sofern mer natürlech chönnte. Dezue isch Aarau dismau uf spezielli Art und Wiis Szene gsi.

Es isch passiert: De MontanaBlack het uf Maelos Video reagiert. Eh grosse Meilenstein füre Maelo und de Elia het die Wuche wieder mau es TikTok ufeglade, I guess. Dezue besprächemer no d' Krawall in St. Gallen und gebe eh chline Realtalk ab!

PORSCHE CAYMAN S JUNGS!!! KOMMT IN DIE GRUPPE!!1 Hüt debi isch de Thomas der Sparkojote! Greded wird darum natürlich über Finanze und Business - under anderem über Bitcoin, GameStop und ETF's. D Frag wo aber offe blibt: Isch ize dr Elia oder Maelo 42 Jahr alt?

Wemmer ehrlich si isch Ben & Jerrys genau glich viel Wert wie Bitcoin. Es choschtet die ganze Jahresihnahme vom Elias Twitch-Stream für sich einisch eh grossi Büchse z'gönne. Absolut zum Chotze - genau glich wie am Maelo si Ihstieg in dütschi Videos. Er wot ned nume so usgseh wie dr Kevin, er wot ouso sie wie dr Kevin. So is das. 

Alles isch Oldschool, wie üsi Lieblings-YouTuberInne us de leschte 10 Jahr YouTube, de Roger Federer und Elia's YouTube Karriere. Alles usser zwöi devo ghöre de Vergangeheit ahn. Usserdem wettemer drüber, wenn mer üsi COVID-19 Impfig dörfe abhole.

Nid nume z'Intro isch neu, sondern oh e wunderbari Rubrik womer enand Frage stelle! De Elia stellt sich de Challenge vode Biologie! Ob das eppis wird. Ih säges scho mau ize: Nei! Usserdem geits um die längschti Nationalratssitzig ever! PS vom Elia: Mis Audio ruschet hüt leider eh chli zu starch, sorry! Da isch öppis mit dr Ufnahm no ned so guet gloffe.

De Privatchat isch offiziell back im Business mit sine Big Baba Investments wie z.B. GameStop-Aktie & 5 CHF z'Mittag! Usserdem het de Maelo sis grosse Announcement gmacht und dademit die ganzi Schwiz gschocket. Ah nei, de Elia het ja scho alles gleakt gha, das wars komplett...

Es so wyt - die letschti 100. Folg steit ah. Es Erlebnis, wiemes scho 99. mau vorher het gah. Dr Privatchat scheut keni Müeh uh Choschte, d Top-Influencer us dr Schwiz LIVE und GLICHZYTIG zuezschalte und es Audioerlebnis sondergleichen z liefere. Mit derbi: Es Buech, en Künschtler, en Schnauz und eh Händeklatscherin - und natürlech: Dr Maelius und Elius vereint. 

Irgendwenn chuntme ih sim Lebe ahne Punkt und denkt sech: Einisch Mueter werde. Oder Vater. Oder grad beides. Oder ou lieber, gar nüt? Das hofft sech emu dr Elia, während dr Maelo mit sine 15 Jahr natürlech no im Schutzalter schimmlet. Öpperd wosech aber derfür entschide het isch d Manu us Basel, wo sit drü Monat es Chind het. Im Privatchat verzeut si zwei grösserne Chinder, wies so isch, MILF und Mueter glichzitig z si.

Es isch de Jahresrückblick vomne Jahr, wos gar nit git. Das heimer z mingscht im Januar no denkt - uh ner, isches nurno bergab... Waldbränd, Covid-19, am Elia sini Videos, D US-Präsidentschaftswahl oder am Maelo sini Livestreams... alles es riese uf und ab. Eh emotionali Achterbahn, wosech kenne het chönne entzieh - wie vor dere Foug.

De Titel isch usnahmswiis Mau e guete, oder Elia? Ih dem Sinn, wünsche de Elia und Maelo Euch wunderbari Wiehnachte. Inshallah ohni euri Grosseltere!

De Elia redet über sini Erfahrig vo sinere Operation! Es isch leider chli öppis schief gloffe und über das redemer. De Maelo het das Wuchenend es fetts Livestream-Projekt lanciert!

Frage über Frage werde em Elia & Maelo gstellt. De Elia verzellt über sini "Vegetarier-Panne" mitere Ex-Flamme. Und nwtürlich wird orednlich für Wiehnachte ihgwärmt!