Privatchat

Bsunderi Umständ bruche bsunderi Persone: Dr Elia, halb Mensch halb Nase - schimmlet irgendwo frisch fröhlech imne Spital vor sech here, während dr Maelo sech seuber aus «schlecht und dumm» bezeichnet. Was fürne späti Erkenntnis? Ih dere zwöitelige Usgab widme mir üs eune Frage & Bichtene und hoffe doch, wie aui, uf besseri Zyte...

Maelo gönnt wie immer eh Beschribig? ... und eh Nase to go <3

Dr Elia het am Tag durschnittlich meh Jeanshose an als Trainerhose uh trinkt derzue sini Cola ohni Kohlensäure. Ganz normal de Typ. Uf dr andere Site heimer dr Maelo, dr Qualitätsmoderator us Fribourg. Wo ou immer dr Maelo deheime isch, z Rivella isches ou.

"Es git Sache, die gits gar nid." Das würdi ize dr Donald Trump säge wenn de Biden gwunne het. De Elia isch unglaublich interessiert gsi und de Maelo hets absolut nid gjuckt. PS5? Ach komm, scheiss auf di Beschribig!

Es ist wiedermau sehr ereignisrich gsii die Wuche! Entweder Trump oder Biden, Lindor oder Cailler oder Lockdown oder Slowdown? Das si alles Frage wommer ih der Folg nachgange!

Dr Ussereporter Maelo brichtet es wyters mau für üs vor Ort - hüt us Interlake! Eh idyllische Ferieort oder doch Schouplatz vo zwöi Morde? Ds giutet usezfinde, währendesse dr Elia sini Lindor-Chugle verdrückt und sire PS5 nachetruuret. Die beide Querdenker sie sech aber einig: Ke Chips vorem Computer und Corona-Regle, die hautet meh ih, ABER…

De Maelo isch es Opfer... vom Kapitalismus worde und het sich z‘neue iPhone 12 gegönnt. Im Gegezug isch de Elia id Berge sich ga erhole. Er het Abstand brucht zu de Wält, wo mit Corona infiziert isch und baud eh neue Präsident vo de USA kennt.

De Elia redet über sini wahnsinnige Präferenze.

De Elia het die Wuche di aktuelli Bundespräsidentin Simonetta Sommaruga interviewt. De Maelo git sich mit weniger zfriede. Mitem Tennis Turnier „Roland Garros“.

Es isch zwar nid ganz d‘Folg vode Monologe, chunnt aber knapp dran here. Defür simmer verlore & zwar komplett!

Fachbegriffe werde en Masse behandlet, es steit e „Fondue-Podcast“ ih de Stärne und d‘Stadt Bern het d‘Demo vorem Bundesplatz im Griff. Ach ja & de Adi het de Swiss Comedy Award gwunne, nice!

Es isch di entspannti laid-back Folg! Wir diskutiere über üser Spitalerfahrige, de Struggle mit Emmi Caffe Latte und über d Entwicklig vo üsne Videos. Ganz liechti Theme, ih schwör! Usserdem no aues guete ar DÖNISE <3

De Priis vo Popcorn im Kino isch e absoluti Frechheit! Das isch sicher sogar tüürer als z'neue iPhone 12 wo nechscht Wuche use chunnt.  Dezue besprächemer no d'Abstimmige vom 27. September.

Die Wuche heimer eh Bündner Legende am Start. De GrischaYeti aka. nume dr Yeti isch direkt us Chur zuegschalte und wir rede über d'Schwizer Gaming Szene, sini Gsichtscreme uh gebe are junge Fernbeziehig grosszügig Liebes-Tipps!

Die Wuche het de Maelo emene holländischi Päärli d'Stadt Bern vorgstellt - aber ebe öppis essentiels vergässe... De Elia isch drüber sauer, stellt derfür aber d'Jugendwörter 2020 vor. Mashallah, digga das wird ein wylder Podcast!

Hüt isch aues angers. Mir hei eh Folg gmacht mit euch, mit eune Bichte uh Gschichte - uh was isch cho, isch heftig. So heftig, das dr Maelo und dr Elia teilweise überfordert si gsi uh sogar eh Gschicht hei usegno. Trotzdem, es isch ouno luschtig worde: D' Kristel Meth höchschtpersönech verzeut vo ihrne Droge-Storys und dr Maelo vo sine unbeantwortete Insta-DMs.

Mir si wieder vereint! Dr Maelo het si #camperlifestyle ufgeh und isch umi am Bode vom Daily Struggle ahcho - auso dört, wo dr Elia mit sim Zwöitkanal EyElia scho fliessig am MaeLoL kopiere isch. Natürlech darf dr Boomer-Talk über Instagram Reels ned fehle - auso die Plattform, wo vom Elia und Maelo wieder für zwöi Jahr vertüüflet wird, bisi irgendwenn seuber Content ufelade. Eh Foug vouer Stories, Niveau und - de beschte Quotes.

De Maelo isch auf Reisen, uh darum für die Foug üse brandneu Ussereporter. Natürlich nur ir Schweiz, so wies dr Alain Berset gern het! Derzue het de Elia jetzt dür Youngbulanz und si 2. Kanal oh heftig eppis zum wörke – IMMER am arbeite sind mir, wie dr Maelo ah sine Instant Noodles. Schmeckt.

Es wird heiss, uh darum frizügig. Dr Elia verchouft sech sich fürs SRF und dr Maelo het splitterfasernackti Mensche in freier Wildbahn gfunde – z mitz ir Action Maction. Sie hei sich aber nume chli gschämt – im Gegesatz zum Elia, kappa.

Frage vor Community und die passende Antworte vode Vagabunde Elia und Maelo. Ih der Folg aber amau nid im Dialog, sondern im Monolog. De Grund für di ungewollti Speziaufolg ligt am Maelo sim Planigsvermöge, wo absolut nid vorhande isch.